Kjaftfull Mæja Magg ÍS .2015
Aflafrettir eru komnar í gang og strax rak ég augun í vægast sagt mokveiði.
á Flateyri er sá heiðursmaður Valgeir Jóhannes Ólafsson og gerir hann út bátinn Mæju Magg ÍS sem er 7,5 tonna bátur. Keypti hann bátinn í fyrravor og hefur róið á honum á linu og handfæri.
Núna í byrjun maí þá fór hann út ásamt einum aðstoðarmanni með 24 bala og fór um 6 mílur út frá Flateyri. lenti þar í ansi mikilli steinbítsveislu, því algert mok var hjá honum,
þegar upp var staðið þá kom báturinn með 7,1 tonn í land og af því var steinbítur um 6 tonn.
Að sögn Valgeir í samtali við Aflafrettir þá hafði hann farið þarna 18 mars síðastliðinn og fékk þá um 9,5 tonn í tveim róðrum, Hinir bátarnr voru flestir aðeins sunnar enn Mæja Magg ÍS og átti Valgeir ekki von á þessum moki sem hann lenti í. Kominn var smá kaldaskítur eins og hann orðaði það þegar hann var að klára að draga síðustu balanna, enn báturinn var ansi góður í sjó og bar aflann vel.
Enn lítið hefur verið róið eftir þetta því verðið hefur lækkað mikið á mörkuðum meðal annars útaf verkföllum,
Ekki voru til myndir af bátnum með 7,2 tonn, enn myndir sem eru með þessari frétt eru teknar þegar að báturinn kom með tæp 6 tonn að landi fyrr í vetur
Það má geta þess að nafnið á bátnum Mæja Magg ÍS kemur frá móður Valgeirs
Mæja Magg ÍS í íshrangli með um 6 tonn í vetur. báturinn var aðeins meira siginn með 7,2 tonn.
Mæja MAgg ÍS
Mynd Valgeir J.Ólafsson